MiNo JC

Titanic-My heart will go on\piano version\

Өнөө үед хүмүүс үснийхээ эрүүл байдал, зөв арчилгаанд анхаарал хандуулдаг болсон. Үсээ гэмтээхгүй, зөв арчилахын тулд үснийхээ төрлийг зөв тодорхойлох нь чухал. Үс хэвийн, хуурай, тослог, холимог гэсэн дөрвөн төрөлтэй байдаг.

Хэвийн үс нь гэрэл сайн ойлгодог тул наранд гялалзаж харагддаг. Хэрэв чиний үс зөөлөн налархай, ширэлддэггүй, хялбар самнагддаг, хэлбэрт ордог ба эрүүл өнгөтэй, үсээ угаасны дараа хэд хоногийн турш энэ байдлаа хадгалж чаддаг бол чи үсээ онцлогт тохируулан сайн арчилдаг, эрүүл сайхан үстэй юм байна.

Тослог үс нь бүрсгэр өнгөтэй, угаагаад багахан хугацаа өнгөрсний дараа тослогтон бөөгнөрч, хиртсэн бохир юм шиг санагдаж эхэлдэг. Үсний тослог нь олдмол болон удамшлаас шалтгаалсан толгойн хуйхны өөхний булчирхайн идэвхжилтээс хамааралтай байдаг.

Хуурай үс нь гэрэл муу ойлгодог тул бүрсгэр, өнгө муутай харагддаг ба гялалздаггүй. Ийм үс нь амархан хугарч, орооцолдож ширэлддэг, үзүүр нь салаалсан байдаг. Энэхүү үсний хуурайшил нь тосны булчирхайн идэвхжил буурснаас бус харин үсээ буруу арчилснаас болж үүсдэг байна.

Холимог үс нь охидын тоонд гол төлөв урт үстнүүд ордог. Учир нь булчирхайнаас ялгарч буй тос үсний уртад бүрэн хүрэлцдэггүй учраас үсний уг нь тослог, үзүүр нь хуурай байдаг. Тиймээс холимог үсний үзүүр нь байнга салаалдаг тул тохирсон арчилгаа, эрүүл хүнс хэрэгтэй.

Үсээ эрүүл гэмтэлгүй байлгахын тулд цагаа олсон зөв угаалга чухал ач холбогдолтой юм. Баримтлах зарчим нь тун энгийн. Өөрөөр хэлбэл угаах зайлшгүй шаардлагатай гэж үзсэн үедээ үсээ угаах хэрэгтэй. Жишээ нь, үсний гель, хөөс,лак зэрэг үс хатууруулж гэмтээдэг, хэлбэржүүлэгч бэлдмэл тогтмол хэрэглэдэг охид үсээ өдөр бүр угаах шаардлагатай шүү. Өдөр бүр үсээ угаадаг охид зориулалтын зөөлөн шампунь сонгох нь зүйтэй. Үсээ угаахдаа хэт халуун болон хүйтэн усаар угааж болохгүй. Усны температурын түвшин 35-45 градус байх ёстой. Мөн үсээ дор хаяж 2 удаа угаах шаардлагатай ба эхний угаалтаар үсний хир, тоос шороо, арьсны тослогыг арилгаж, дараагийн угаалтаар жинхэнэ шампуны эмчилгээ хийгдэх учиртай.

Угаахаас өмнө самнасан үс угаасны дараа орооцолддоггүй, амархан самнагддаг хэв ордог. Богино үсийг угаас нь, урт үсийг үзүүрээс нь самнаарай. Гэхдээ үсийг нойтон дээр нь самнахаас зайлсхийгээрэй. Зайлшгүй самнах тохиолдолд төмөрлөг биш хуванцар, эсвэл модон сам хэрэглээрэй.

Чи батганаас салах гээд чадахгүй байна уу? Тэгвэл чамд гэрийн нөхцөлд гарын доорх аргаар батганаас хэрхэн салж болох талаар бяцхан зөвлөгөө өгье.

Өргөст хэмхийг үрүүлээр үрж, үрсэн өргөст хэмхээсээ 3 хоолны халбагыг буцалсан усанд хийж, 2-3 цаг байлга. Дараа нь өргөст хэмхээ марлиар шүүн авна. Харин дараа нь өргөст хэмхний шүүсэндээ нэг цайны халбага зөгийн бал хийж уустал нь сайтар хутгаарай. Ингээд нүүрээ сайтар цэвэрлэсэний дараа уусмалаа хөвөнд шингээж арчина.

1. Илүү бас ямар ч хэрэггүй асуулт бүү тавь. Жишээлбэл, чи яагаад намайг нэг ч удаа гэрт маань хүргэж өгсөнгүй вэ гэх мэт өөрийгөө доош нь хийж, эвгүй байдалд оруулах асуулт хэзээ ч бүү тавь.

2. Өнгөрснийг бүү дурс. Чи өмнө нь түүнийг найз охинтой байсныг мэдэж байгаа. Харин одоо тэр чамтай үерхэж байна. Тиймээс тэр чамтай хамт байхыг л илүү хүсч байгаа.

3. Түүнийг ямар ч учир шалтгаангүй бас ялихгүй зүйл дээр хардаж сэжиглэх хэрэггүй. Энэ нь түүнд өөрт нь итгэдэггүй юм шиг санагдахад хүргээд зогсохгүй зүгээр байхад хардаад байхад зүгээргүй байхад яадаг юм гэсэн бодол ч төрүүлэх аюултай.

4. Ямар ч үед сайхан харагд. Тэр чамаар бахархаж, өөрийгөө ийм сайхан охинтой үерхдэгээрээ бахархах боломж олгож бай. Чамд ч гэсэн "Миний хайр ямар сайхан харагдаж байнаа" гэх үгсийг сонсох таатай биш гэж үү?

5.Түүнийг энхрий үг,магтаалд умбуул. Магтаалд дургүй хөвгүүн байдаггүй. Хамгийн гол нь хэрэгтэй цаг мөчид түүнийг оновчтой үгээр урамшуулж бай. Жишээлбэл, чи тоо сайн бодох юмаа эсвэл ганцхан чи л надад сайхан харагдах юмаа гэх мэт энхрий дотно үгс хэрэглэхээс бүү татгалз.

6. Түүнээс өөрийн сэтгэл хөдлөл, баяр хөөрийг бүү нууцал. Магадгүй тэр өөрийгөө чамайг баярлуулж чаддаггүй гэж голдог ч байж мэднэ.

7. Бүхнийг өөрөө төлөвлөж,зохицуулах гэж хичээх хэрэггүй. Түүнд шийдвэр гаргах боломж олгож бай.

8.Түүний алхам тутмыг мөрдөж мөшгөх хэрэггүй. Хэнч гэсэн өөрийгөө хулгайч шиг байнгын хараа хяналтанд байхыг тэсвэрлэхгүй шүү дээ.

9. Түүнийг ойр дотныхон болон найз нөхдийнх нь дэргэд муулж,доош нь хийж ХЭЗЭЭ Ч болохгүй. Үүнийг ямар ч хөвгүүн хүлээн зөвшөөрч чадахгүй юм.Тухайн үед инээд наргиа болоод өнгөрөх хэдий ч тэр үүнийг ой ухаанаасаа ХЭЗЭЭ Ч арчиж хаядаггүй юм.

10. Түүний дотносох саналд ухаалаг хариулт өгөөрэй. Энэ нь найз залуугаасаа татгалзсан биш чи энэ зүйлд бэлэн биш байгаа гэдгийг ойлгуул.

11. Эцэг эх, гэр бүлийнх нь тухай ямар нэгэн хов зөөж,түүний чихэнд муу үг бүү сонсго. Ялангуяа түүний ах дүү, эцэг эхийг нь муучилсан үг цухуйлгаж болохгүй.Хөвгүүд найз охиноосоо илүү гэр бүлээ нэгдүгээрт тавьдагийг бүү март.

12. Түүнтэй яриа үүсгэж, ам нээх болгондоо надад тийм их байхгүй,би ийм юм хүсч байна гэж яг л эцгээсээ юм нэхэж байгаа жаахан охин шиг битгий аашил.Чи Алтан Загасны эмгэн биш биз дээ. Харин үүний оронд өөрийн санааг цухуйлгаж, хэдийд түүний тусламж чамд хэрэгтэй болохыг эвтэйхэн ойлгуул.